自從政府公佈推出公共年金（香港年金計劃）後，「年金」一詞立即成為一時熱話。保險公司看好商機，紛紛推出私營年金，為求在市場上分一杯羹。 insureWIN 特意挑選了2款私營年金產品進行PK賽，呢場賽事係由代表小太空人嘅星星大戰來自加拿大嘅伊麵。

戰事一觸即發，3-2-1 START!

以一個35歲非吸煙男性，年供$50,000，繳付20年，由65歲開始收取年金入息為例：

星星嘅平均每年回報率(至64歲)和由65歲拎到100歲的年金入息總計都比較優勝，但65歲領取年金開始就再沒有任何退保價值和身故賠償，即係代表受保人如果改變主意而選擇中途離場的話，$1保費都不能拿回，就算不幸死亡，也沒有錢可以留給受益人。

相反，伊麵嘅回報和年金入息總額雖然都不及星星，但伊麵在領取年金後都仍然繼續提供退保價值和身故賠償，受保人可以在任何時候取消保單並取回現金價值，而身故時受益人亦會得到賠償。

總回報分配（領取年金後）

星星：年金入息
伊麵：年金入息 + 退保價值 / 身故賠償

開始領取年金後，年金入息就是星星嘅唯一回報，所以每年入息金額較伊麵高也非常合理。而伊麵的總回報分別分配在年金入息及退保價值 / 身故賠償中，在總回報一分為二嘅情況下，雖然年金入息會較星星的低，但在退保或身故時有錢能夠取回。其實，計完數之後，兩者嘅總回報實際上相差不遠。

正所謂「魚與熊掌，不可兼得」，呢個世界永遠都冇完美。年金產品亦都一樣，有辣有唔辣，任君選擇。究竟星星和伊麵分別適合哪一類人投保呢？

選擇重點就是：

行使年金後，你有足夠嘅資金應付突如其來的重疾醫療費用或其他重大開支嗎？
身故後又有沒有家人（受益人）需要照顧呢？

星星適合已經有足夠保障如危疾及醫療保險儲備並有其他退休資產作後盾，而身故後亦沒有照顧家人之必要嘅投保人士。既然預計行使年金後不會有太大負擔，當然可以揀份回報高、年金入息多嘅計劃，安享晚年。無後顧之憂下，即管與保險公司鬥長命！

伊麵則適合沒有太多流動資產，如遇上不時之需，有機會需要取消保單作現金周轉，亦希望百年歸老後留下一筆錢予家人嘅投保人士。有時候，除了自身當刻嘅享受之外，人生確實還有其他東西需要考慮的…

不過，無論揀星星定伊麵都好，愈早開始計劃，就會愈多時間讓資金滾存，退休時拎到嘅年金入息就會愈多。每個人嘅退休需要都不同，選擇一個適合自己嘅年金計劃盡早開始＂自製長糧＂，為將來嘅退休生活鋪路，方為上策！

究竟有咩唔同？用 insureWIN 嘅＂保險比較＂功能睇睇啦！　立即比較

免責聲明：本文內容僅供參考之用，不構成任何保險邀約。筆者已盡量確保所提供資料（包括數據）之準確性及可靠性，惟並不表示該等資料可作為消費者的指引，倘有關資料之任何不確或遺漏等，所引致消費者有任何損失或損害，一概毋須承擔相關責任。文中所述之計劃視乎個別產品供應商而定，有關產品計劃之詳情及細則，以產品之主要說明文件為準。