成日都聽到啲姨媽姑姐講：「買保單嗰陣個經紀話供幾年就可以用啲紅利繼續供，唔使再俾錢，點知我到依家都仲俾錢供緊呀！」
不禁要唱番句：紅利不似預期，又要供，點夠俾？

美式週年紅利 v.s 英式終期紅利

美式週年紅利係現金分紅，會直接派落客人嘅保單現金戶口，紅利一旦派發，客人便可選擇現金提取、滾存生息、抵繳保費或購買增額繳清保險，靈活性高。美式週年紅利每年定期落客人袋，波動較少，回報收益亦相對穩定。

英式終期紅利就係保額分紅，即以增加保單保額的形式派發分紅，客人只能在退保、保單期滿或受保人身故時才能提取金額。除了保單本身嘅基本保額會用來計算紅利外，每年累積下來嘅保額分紅亦會作分配紅利之用。英式終期紅利嘅投資風險較高，所以亦會較為波動，保單戶口價值或會有高高低低嘅情況出現，但總回報收益長遠地會比較吸引。

通常姨媽姑姐呻緊嗰啲，都係講緊美式分紅保單，供咗一段時間就可以用紅利去抵繳保費。佢哋到依家都仲俾錢供緊嘅原因有二：

1. 環球利息偏低

最近10年環球都處於一個偏低息嘅環境，老實說，又真係好難再用姨媽姑姐20年前嗰個年代買單時嘅利息去相提並論，只能慨歎今時不同往日。

2. 紅利實現嘅情況不符預期

因為紅利係非保證嘅，所以有機會實際派發嘅金額跟保單銷售說明書內所顯示嘅相應數值有所不同。

第1點關乎外在環境因素，確實並不是一般市民大眾可以控制到嘅事。但筆者建議可以在購買保單之前了解一下第2點，各保險公司會喺自己網頁度提供不同產品嘅紅利實現率，清楚顯示每個保單年度該計劃嘅紅利實現的情況。雖然過去嘅表現就唔代表將來嘅表現，但都可以當係一個參考，希望計劃和預期不會相差太遠吧！

喺 insureWIN 比較番，揀到啱。　立即比較

免責聲明：本文內容僅供參考之用，不構成任何保險邀約。筆者已盡量確保所提供資料（包括數據）之準確性及可靠性，惟並不表示該等資料可作為消費者的指引，倘有關資料之任何不確或遺漏等，所引致消費者有任何損失或損害，一概毋須承擔相關責任。文中所述之計劃視乎個別產品供應商而定，有關產品計劃之詳情及細則，以產品之主要說明文件為準。